തിരുവനന്തപുരം : വെൽഫയർ പാർട്ടി ബഹുജന പ്രക്ഷോഭ സംഗമം നടത്തുന്നു. ജാതി സെൻസസ് നടത്തുക, എയ്ഡഡ് നിയമനം പി എസ് സിക്ക്‌ വിടുക, സർക്കാർ സർവീസിൽ ആനുപാതിക പ്രതിനിധ്യം നടപ്പിലാക്കുക എന്നീ മുദ്രാവാക്യങ്ങൾ ഉയർത്തി വെൽഫെയർ പാർട്ടി കേരള ഘടകം ജനുവരി മൂന്നിന് സംഘടിപ്പിക്കുന്ന സെക്രട്ടേറിയറ്റ് വളയൽ പരിപാടിയുടെ ഭാഗമായിട്ടാണ് തിരുവനന്തപുരം ജില്ല കമ്മിറ്റി ബഹുജന പ്രക്ഷോഭ സംഗമം സംഘടിപ്പിക്കുന്നത്. സംഗമം നാളെ വൈകുന്നേരം ഗാന്ധിപാർക്കിൽ നടക്കും.
വെൽഫയർ പാർട്ടി സംസ്ഥാന പ്രസിഡന്റ് റസാഖ്‌ പാലേരി, ജില്ലാ പ്രസിഡന്റ് അഷ്‌റഫ്‌ കല്ലറ, നീലലോഹിത ദാസൻ നാടാർ, ബീമാപ്പള്ളി റഷീദ്, മുരളി നാരായണൻ, സിയാദ് കണ്ടല, ശാന്തി ജയൻ, ജബ്ബാർ നടയറ, ഇലവുപാലം ഷംസുദീൻ മന്നാനി, ബിജു ഇലഞ്ഞിമേൽ, സുരേഷ്, ഷംല എൽ, അംജദ് റഹ്മാൻ, ശാഹിദാ ഹാറൂൺ എന്നിവർ പങ്കെടുക്കും.
