തിരുവനന്തപുരം: വെൽഫെയർ പാർട്ടി മണ്ഡലം പ്രക്ഷോഭ ജാഥകൾ സംഘടിപ്പിക്കുന്നു. ജാതി സെൻസസ് നടത്തുക, എയ്ഡഡ് നിയമനം പി എസ് സി ക്ക് വിടുക, സർക്കാർ സർവീസിൽ ആനുപാതിക പ്രാതിനിധ്യം നടപ്പിലാക്കുക എന്നീ മുദ്രാവാക്യങ്ങളിൽ ഉയർത്തിക്കൊണ്ട് വെൽഫെയർ പാർട്ടി കേരള ഘടകം സംഘടിപ്പിക്കുന്ന ബഹുജന പ്രക്ഷോഭത്തിന്റെ ഭാഗമായി തിരുവനന്തപുരം ജില്ലയിൽ മണ്ഡലം പ്രസിഡന്റ്മാരുടെ നേതൃത്വത്തിൽ പ്രക്ഷോഭ ജാഥകൾക്ക് ശനിയാഴ്ച തുടക്കം കുറിക്കുകയാണ്.
മണ്ഡലം തലങ്ങളിൽ ഗൃഹസമ്പർക്ക പരിപാടികൾ,നിയമസഭാസാമാജികരെ സന്ദർശിച്ചുകൊണ്ട് സമ്മേളന സന്ദേശം കൈമാറുക തുടങ്ങിയ നിരവധി പരിപാടികൾ നടക്കുന്നുണ്ട്.ഇതിന്റെ തുടർച്ചയായി
ജനുവരി മൂന്നാം തീയതി പതിനായിരങ്ങൾ പങ്കെടുക്കുന്ന സെക്രട്ടേറിയറ്റ് വളയലും പാർട്ടി സംഘടിപ്പിക്കുന്നുണ്ട്.
