തിരുവനന്തപുരം: ഐഎംഎ ദേശീയ സമ്മേളനം നാളെ നടക്കും. 27 നു രാവിലെ 10 മണിക്ക് മാനേജ്മെന്റ് കോൺക്ലേവ് ഉദ്ഘാടനം കടകംപള്ളി സുരേന്ദ്രൻ എംഎൽഎ നിർവഹിക്കും. തുടർന്ന് 11 മണിക്ക് ആരോഗ്യമന്ത്രി വീണാ ജോർജ് അക്കാദമിക് സെഷന്റെ ഉദ്ഘാടനം നിർവഹിക്കും.
ഉച്ചയ്ക്ക് 2 മണിക്ക് സ്പീക്കർ എ എൻ ഷംസീർ തിരുവനന്തപുരം ഡിക്ലറേഷൻ ഉദ്ഘാനം ചെയ്യും. പരിപാടിയിൽ പി. കെ ശ്രീമതി ടീച്ചർ, വി. എസ് ശിവകുമാർ , എം വിൻസന്റ് എംൽഎ, അടൂർ പ്രകാശ് എംപി തുടങ്ങിയ പ്രമുഖകർ പങ്കെടുക്കും.തുടർന്ന് വൈകീട്ട് ആറു മണിക്ക് നടക്കുന്ന പൊതുസമ്മേളനം മുഖ്യമന്ത്രി പിണറായി വിജയൻ ഉദ്ഘാടനം ചെയ്യും. ഇതോടൊപ്പം രാത്രി 8 മണിക്ക് കലാ സന്ധ്യാ ഉദ്ഘാടനം ടൂറിസം മന്ത്രി മുഹമ്മദ് റിയാസ് നിർവഹിക്കും.
