തിരുവനന്തപുരം: സംസ്ഥാനത്ത് ക്രിസ്മസിനു റെക്കോഡ് മദ്യവില്‍പ്പന. 154.77 കോടി രൂപയുടെ മദ്യമാണ് മൂന്ന് ദിവസം കൊണ്ട് ബെവ്‌കോ ഔട്ട്ലെറ്റുകൾ വഴി കേരളത്തിൽ വിറ്റഴിച്ചത്. ക്രിസ്മസ് തലേന്ന് മാത്രം 70.73 കോടി രൂപയുടെ മദ്യവിൽപ്പന നടന്നു. കഴിഞ്ഞ വര്‍ഷം ക്രിസ്മസ് തലേന്ന് 69.55 കോടിയുടെ മദ്യമാണ് വിൽപന നടത്തിയത്.
ഏറ്റവും കൂടുതല്‍ വില്‍പന നടന്നത് ചാലക്കുടി ഔട്ട്‌ലെറ്റിലാണ്. 63,85,290 കോടി രൂപയുടെ മദ്യമാണ് ഇത്തവണ ചാലക്കുടിയില്‍ വിറ്റത്. 62,85,290 രൂപയുടെ മദ്യ വില്‍പനയുമായി ചങ്ങനാശേരിയാണ് രണ്ടാം സ്ഥാനത്തുള്ളത്. മൂന്നാം സ്ഥാനത്ത് ഇരിങ്ങാലക്കുട ഔട്ട്ലെറ്റുമാണ്. മദ്യ വില്‍പ്പനയില്‍ മുന്നില്‍ നില്‍ക്കുന്നത് റം ആണ്.
ഡിസംബര്‍ 22 ന് 75.70 കോടി രൂപയുടെ മദ്യവില്‍പ്പനയാണ് ഈ വര്‍ഷം നടന്നത്. 23 ന് ഈ വര്‍ഷം 84.04 കോടി രൂപ മദ്യവില്‍പ്പന നടന്നു. കഴിഞ്ഞ വർഷങ്ങളിൽ ഇത് യഥാക്രമം 65.39 കോടി രൂപയും 75.41 കോടി രൂപയുമായിരുന്നു.
