കഴക്കൂട്ടം: സമസ്തയുടെ നൂറാം വാർഷികാഘോഷങ്ങളുടെ വിവരങ്ങൾ ബാംഗ്ലൂരിൽ വച്ചു പ്രഖ്യാപിക്കുമെന്ന് സമസ്ത സംസ്ഥാന പ്രസിഡൻ്റ് ജിഫ്രി മുത്തുക്കോയ തങ്ങൾ. വാർഷികാഘോഷങ്ങളുടെ തിയതിയും സ്ഥലവും ജനുവരി 28നാണ് പ്രഖ്യാപിക്കുക. തിരുവനന്തപുരം കഴക്കൂട്ടം ചന്തവിളയിലെ പ്രവാസി വ്യവസായി ആംമ്പല്ലൂർ എം.ഐ. ഷാനവാസിൻ്റെ വസതിയിൽ സ്വകാര്യ സന്ദർശനത്തിന് എത്തിയപ്പോഴാണ് തങ്ങൾ ഇക്കാര്യം വ്യക്തമാക്കിയത്.
ജനുവരി 28ന് ബംഗ്ളുരുവിൽ വെച്ച് നടക്കുന്ന വിപുലമായ വാർഷികാഘോഷ ഉദ്ഘാട സമ്മേളനത്തിൽ വച്ചാണ് നൂറാം വാർഷികത്തിന്റെ പരിപാടിയുടെ തിയതിയും സ്ഥലവും പ്രഖ്യാപിക്കുകയെന്നും 2026 ഫെബ്രുവരി മാസത്തിലാണ് നൂറാം വാർഷികാഘോഷം നടത്താൻ തീരുമാനിച്ചിരിക്കുന്നതെന്നും തങ്ങൾ പറഞ്ഞു.
മത സാമൂഹ്യ സാസ്കാരിക വിദ്യാഭ്യാസ മേഖലകളിൽ കഴിഞ്ഞ 100 വർഷമായി വലിയ പ്രവർത്തനങ്ങളാണ് നടത്തുന്നതെന്നും അദ്ദേഹം പറഞ്ഞു. ചൊവ്വാഴ്ച വെളുപ്പിന് 4-30 ന് സ്വകാര്യ സദർശനത്തിന് എത്തിയ തങ്ങൾ പ്രാർത്ഥനക്ക് ശേഷം 8 മണിയോടെ മലപ്പുറത്തേക്ക് യാത്ര തിരിച്ചു.
