ഡൽഹി: അയോധ്യയിലെ രാമക്ഷേത്ര പ്രതിഷ്ഠാ ചടങ്ങുമായി ബന്ധപ്പെട്ട് രാജ്യത്തെ ജനങ്ങള്ക്കായി പ്രധാനമന്ത്രി നരേന്ദ്ര മോദിയുടെ പ്രത്യേക സന്ദേശം. 10 മിനിറ്റ് ദൈർഖ്യമുള്ള വികാരാധീരമായ ഓഡിയോ സന്ദേശം സാമൂഹ്യമാധ്യമ പ്ലാറ്റ്ഫോമായ എക്സിലൂടെയാണ് അദ്ദേഹം പങ്കുവച്ചിരിക്കുന്നത്.
അയോധ്യയിലെ രാമക്ഷേത്രത്തിന്റെ ഉദ്ഘാടന ചടങ്ങിന് മുന്നോടിയായി 11 ദിവസത്തെ പ്രത്യേക ചടങ്ങുകൾക്ക് ഇന്ന് മുതൽ തുടക്കമിടുകയാണ്. ഇതേത്തുടർന്നാണ് പ്രധാനമന്ത്രിയുടെ സന്ദേശം. പ്രതിഷ്ഠ ചടങ്ങുമായി ബന്ധപ്പെട്ട് താൻ 11 ദിവസത്തെ വ്രതം അനുഷ്ടിക്കുമെന്ന് പറഞ്ഞ മോദി രാജ്യത്തെ ജനങ്ങൾ തനിക്ക് ആശിർവാദം നൽകണമെന്ന് വ്യക്തമാക്കി.
ഇന്ത്യക്കാരുടെ മുഴുവൻ പ്രതിനിധിയായി പ്രാണപ്രതിഷ്ഠ നടത്താൻ ദൈവം നിയോഗിച്ചിരിക്കുന്നെന്നും ജീവിതത്തിലെ ചില നിമിഷങ്ങള് യാഥാര്ത്ഥ്യമായി മാറുന്നത് ദൈവിക അനുഗ്രഹം കൊണ്ടാണെന്നും ഇന്ന് നമുക്കെല്ലാവര്ക്കും ലോകമെമ്പാടുമുള്ള രാമഭക്തര്ക്കും ഇത് വളരെ പുണ്യമുള്ള അവസരമാണെന്നും പ്രധാന മന്ത്രി പറഞ്ഞു.
