ഡൽഹി: നാളത്തെ അവധി പിൻവലിച്ച് ഡൽഹി എയിംസ്. അയോധ്യ പ്രതിഷ്ഠ ദിനത്തോടനുമ്പന്ധിച്ച് നാളെ ഉച്ചവരെ നേരത്തെ അവധി പ്രഖ്യാപിച്ചിരുന്നു. ഈ അവധിയാണ് ഇപ്പോൾ പിൻവലിച്ചിരിക്കുന്നത്. എയിംസിലെ ഒപി വിഭാഗം തുറന്ന് പ്രവർത്തിക്കാൻ തീരുമാനമായി. അടിയന്തര ശസ്ത്രക്രിയകൾ നടത്തും.എന്നാൽ മുൻകൂട്ടി നിശ്ചയിച്ച ശസ്ത്രക്രിയകൾ പിന്നീടായിരിക്കും നടത്തുക.
വ്യാപക വിമർശനമുയർന്നതോടെയാണ് ഒപി വിഭാഗത്തിനടക്കം അവധി നല്കാനുള്ള തീരുമാനം പിൻവലിച്ചത്. നാളെ ഉച്ചയ്ക്ക് 2.30 വരെയാണ് ആശുപത്രി ജീവനക്കാർക്ക് അവധിപ്രഖ്യാപിച്ചിരുന്നത്. എന്നാൽ രോഗികള്ക്കുണ്ടാകുന്ന അസൗകര്യം കണക്കിലെടുത്ത് അവധി പിന്വലിക്കുന്നുവെന്ന് എയിംസ് അറിയിച്ചു. അതേ സമയം പുതുച്ചേരി ജിപ്മർ (ജവഹർലാൽ ഇൻസ്റ്റിറ്റ്യൂട്ട് ഓഫ് പോസ്റ്റ് ഗ്രാജ്വേറ്റ് മെഡിക്കൽ എജുക്കേഷൻ ആൻഡ് റിസർച്ച്) അടച്ചിടും.
