തിരുവനന്തപുരം:യുഡിഎഫ് സീറ്റ് വിഭജനം പൂർത്തിയായി. 16 സീറ്റിൽ കോൺഗ്രസ് മത്സരിക്കുമെന്ന് പ്രതിപക്ഷ നേതാവ് വി ഡി സതീശൻ വ്യക്തമാക്കി. മലപ്പുറത്തും പൊന്നാനിയിലും മുസ്ലീം ലീഗ് മത്സരിക്കും. മുസ്ലിം ലീഗിന് മൂന്നാം സീറ്റില്ല. പകരം അടുത്ത രാജ്യസഭാ സീറ്റ് നൽകുമെന്നും വി.ഡി സതീശൻ പറഞ്ഞു. മാത്രമല്ല ഇത്തവണ രാജ്യസഭാ സീറ്റ് ലീഗിനു നൽകുന്നതിനു പകരമായി, പിന്നീട് വരുന്ന രാജ്യസഭാ സീറ്റ് കോൺഗ്രസ് എടുക്കുമെന്നും അദ്ദേഹം വ്യക്തമാക്കി.
വാര്ത്താസമ്മേളനത്തില് കെപിസിസി അധ്യക്ഷന് കെ സുധാകരന്, പ്രതിപക്ഷ നേതാവ് വീഡി സതീശന് എന്നിവരാണ് ഇത് സംബന്ധിച്ച തീരുമാനം വ്യക്തമാക്കിയത്. രാജ്യസഭ സീറ്റ് റൊട്ടേഷൻ രീതിയിൽ കോൺഗ്രസ്സും ലീഗും പങ്കിടും. ഫോര്മുല ലീഗ് അംഗീകരിച്ചു.
കോൺഗ്രസ് സീറ്റ് ചർച്ചകൾ ഉടൻ തീരും. നാളെ സ്ക്രീനിങ് കമ്മിറ്റി ചേരുമെന്നും വി ഡി സതീശൻ കൂട്ടിച്ചേർത്തു.
