ഡൽഹി: വനിതാ ദിനത്തിൽ രാജ്യമെമ്പാടുമുള്ള സ്ത്രീകൾക്ക് ആശ്വാസ വാർത്ത. രാജ്യത്ത് പാചക വാതക വില കുറച്ചു. 100 രൂപയാണ് കുറച്ചത്. പ്രധാനമന്ത്രിയുടെ നിർദേശപ്രകരമാണ് വിലകുറച്ചത്. വനിതാ ദിന സമ്മാനമെന്ന് നരേന്ദ്ര മോദി പറഞ്ഞു. സാമൂഹമാധ്യമമായ എക്സിലൂടെയാണ് നരേന്ദ്ര മോദി പ്രഖ്യാപനം നടത്തിയത്.
രാജ്യമെമ്പാടുമുള്ള കോടിക്കണക്കിന് കുടുംബങ്ങളുടെ സാമ്പത്തികഭാരം കുറയ്ക്കാന്‍ ഈ നടപടി സഹായകമാകും. മാത്രമല്ല നാരീശക്തിക്ക് പ്രയോജനകരമാകുമെന്നും പ്രധനമന്ത്രി കൂട്ടിച്ചേര്‍ത്തു. ഗാര്‍ഹിക സിലിണ്ടര്‍ വില കുറച്ചതോടെ, പുതുക്കിയ വില 810 രൂപയായി. നേരത്തെ ഗാര്‍ഹിക പാചക വാതക സിലിണ്ടര്‍ വില 910 രൂപയായിരുന്നു.
