എറണാകുളം: നടുറോഡിൽ ഭാര്യയെ കഴുത്തറുത്ത് കൊല്ലാൻ ശ്രമം. എറണാകുളം ഇടപ്പള്ളിയിലാണ് സംഭവം ഭർത്താവ് ആർഷൽ പോലീസിൽ കീഴടങ്ങി. ഗുരുതരമായി പരിക്കേറ്റ നീനു ആശുപത്രിയിൽ ചികിത്സയിലാണ്.
കുടുംബ പ്രശ്നത്തെ തുടർന്നാണെന്ന് ആക്രമണം പ്രാഥമിക നിഗമനം. കയ്യിൽ കരുതിയിരുന്ന ബ്ലേഡ് ഉപയോഗിച്ച് കഴുത്ത് മുറിക്കുകയായിരുന്നുവെന്ന് പൊലീസ് പറയുന്നു. രാവിലെ യുവതി ജോലിക്കു പോകുന്നതിനിടെയായിരുന്നു സംഭവം. സ്കൂട്ടറിലെത്തിയ ആർഷൽ കളമശേരി എകെജി റോഡിൽ വച്ചാണ് നീനുവിനെ ആക്രമിച്ചത്.
കഴിഞ്ഞ ഒരുവർഷമായി ഇവർ വേർപിരിഞ്ഞു താമസിക്കുകയായിരുന്നു. ആറുവർഷം മുൻപായിരുന്നു ഇരുവരുടെയും വിവാഹം. സംഭവത്തിൽ പൊലീസ് അന്വേഷണം ആരംഭിച്ചു.
