ഡൽഹി: ഡൽഹി മദ്യനയ അഴിമതി കേസിൽ ഇഡി കസ്റ്റഡിയിൽ കഴിയുന്ന ഡൽഹി മുഖ്യമന്ത്രി അരവിന്ദ് കെജ്രിവാൾ ഉത്തരവ് പുറപ്പെടുവിച്ചു. ജയിലിൽ ആയ ശേഷം കെജ്രിവാള് ഉത്തരവ് പുറത്തിറക്കിയെന്ന എഎപിയുടെ ജലവിഭവ വകുപ്പ് മന്ത്രി അതിഷി മെര്ലേന അറിയിച്ചിരുന്നു. ഇതിനു പിന്നാലെയാണ് അന്വേഷണം ആരംഭിച്ചത്. സംഭവത്തിൽ അന്വേഷണം നടത്തുമെന്ന് ഇ ഡി അറിയിച്ചു.
കെജ്രിവാളിന് ജയിലിൽ കമ്പ്യൂട്ടറോ പേപ്പറോ അനുവദിച്ചിട്ടില്ലെന്നും ഉത്തരവ് എങ്ങനെ കിട്ടി എന്നതിനെ സംബന്ധിച്ച് അറിയുന്നതിനായി അതിഷി മെര്ലേനയെ ചോദ്യം ചെയ്യുമെന്നും ഇ ഡി അറിയിച്ചു. ജലവിഭവ വകുപ്പിന്റെ നടപടികൾക്കായി ഞായറാഴ്ചയാണ് കെജ്രിവാൾ നിർദേശം നൽകിയത്. പേപ്പറിൽ ടൈപ്പ് ചെയ്ത് ഒപ്പിട്ട നിലയിലുള്ള കത്തായിരുന്നു ആം ആദ്മി പാർട്ടി പുറത്തുവിട്ടത്.
