തിരുവനന്തപുരം: തിരുവനന്തപുരത്ത് ഓണ്ലൈന് ഭക്ഷണ വിതരണക്കാരന് ക്രൂരമര്ദനം. ഹോട്ടലിലെ സെക്യൂരിറ്റി ജീവനക്കാരാണ് മർദിച്ചതെന്നാണ് പരാതിയിൽ പറയുന്നത്. തിരുവനന്തപുരത്തെ പ്രമുഖ ഹോട്ടലിലെ ജീവനക്കാരനായ അഭിമന്യുവിനാണ് മർദനമേറ്റത്. കഴിഞ്ഞ ദിവസമാണ് സംഭവം നടന്നത്.
വാഹനം കടന്നുപോകുന്നതുമായി ബന്ധപ്പെട്ട തര്ക്കമാണ് ഒടുവിൽ മർദനത്തിലേക്ക് നയിച്ചത്. സെക്യൂരിറ്റി ജീവനക്കാരൻ ഉൾപ്പെടെ നാലോളം ഹോട്ടല് ജീവനക്കാര് ചേർന്നാണ് യുവാവിനെ കൂട്ടം ചേര്ന്ന് ആക്രമിച്ചത്. സംഭവത്തിന്റെ സി സി ടി വി ദൃശ്യങ്ങൾ പുറത്തുവന്നു.
ഓൺലൈൻ ആപ്പ് വഴി ലഭിച്ച ഓർഡർ എടുക്കുന്നതിനായിട്ടാണ് അഭിമന്യു ഹോട്ടലിലേക്ക് എത്തിയത്. ഈ സമയം ഹോട്ടലിലെ ഒരു ജീവനക്കാരൻ കാര് റിവേഴ്സ് എടുത്തപ്പോള് അഭിമന്യുവിന്റെ ഇരുചക്ര വാഹനവുമായി കൂട്ടിമുട്ടുകയായിരുന്നു. ഇതേ തുടർന്നാണ് തർക്കം ആരംഭിച്ചത്.
