തൃശൂർ: ഇരിങ്ങാലക്കുട കല്ലേറ്റുംകര റെയില്‍വേ സ്റ്റേഷനു മുന്നിൽ നിര്‍ത്തിവെച്ചിരുന്ന ബൈക്കുകള്‍ കൂട്ടത്തോടെ കത്തി നശിച്ചു. ഇരിങ്ങാലക്കുട കല്ലേറ്റുംകര റെയിൽവേ സ്റ്റേഷന് സമീപമാണ് സംഭവം. ഇന്ന് രാവിലെയാണ് അപകടം സംഭവിച്ചത്.
15 ഓളം ബൈക്കുകളാണ് കൂട്ടത്തോടെ കത്തി നശിച്ചത്. ഇവ റെയില്‍വേ സ്റ്റേഷന് പുറത്തായി റോഡരികില്‍ പാര്‍ക്ക് ചെയ്തിരിക്കുകയായിരുന്നു. തീപിടുത്തത്തിന്റെ കാരണം വ്യക്തമല്ല. തീ പിടിക്കുന്നത് ശ്രദ്ധയിൽപ്പെട്ട ഉടൻ തന്നെ സമീപത്തുണ്ടായിരുന്ന ആളുകള്‍ മറ്റ് ബൈക്കുകള്‍ എടുത്തുമാറ്റിവച്ചു. അതിനാൽ തന്നെ വന്‍ അപകടം ഒഴിവായി. ഇരിങ്ങാലക്കുടയില്‍ നിന്നും ഫയര്‍ഫോഴ്‌സ് എത്തിയാണ് തീ നിയന്ത്രണ വിധേയമാക്കിയത്.
