കോഴിക്കോട്:വീഡിയോ വിവാദത്തില് വടകര എല്ഡിഎഫ് സ്ഥാനാര്ത്ഥി കെ കെ ശൈലജയ്ക്കെതിരെ യുഡിഎഫ് സ്ഥാനാര്ത്ഥി ഷാഫി പറമ്പിൽ രംഗത്ത്. ഷാഫി പറമ്പിൽ കെ കെ ശൈലജയ്ക്ക് വക്കീല് നോട്ടീസ് അയച്ചിരിക്കുകയാണ്. അശ്ലീല വിഡിയോ പ്രചരിപ്പിച്ചെന്ന് ആരോപിച്ച് തനിക്കെതിരെ ഉന്നയിച്ച ആരോപണങ്ങൾ പിൻവലിക്കണമെന്ന് ആവശ്യപ്പെട്ടാണ് നോട്ടീസ് അയച്ചിരിക്കുന്നത്.
മാത്രമല്ല ഇരുപത്തിനാല് മണിക്കൂറിനകം വാര്ത്താസമ്മേളനം വിളിച്ച് മാപ്പ് പറയണമെന്നും ഇല്ലെങ്കിൽ നീയമനടപടി സ്വീകരിക്കുമെന്നും നോട്ടീസിൽ പറയുന്നു. കെ കെ ശൈലജയെ അപകീർത്തിപെടുത്തും വിധത്തിലുള്ള വീഡിയോ പ്രചരിപ്പിച്ചുവെന്ന ആരോപണമാണ് ഷാഫി പറമ്പിലിന് നേരെ കെ കെ ശൈലജ ഉന്നയിച്ചത്. എന്നാൽ രാഷ്ട്രീയ നേട്ടത്തിന് വേണ്ടിയാണ് ഇത്തരം ആരോപണങ്ങൾ ഉന്നയിച്ചതെന്ന് ഷാഫി പറമ്പിൽ പറയുന്നു.
