തിരുവനന്തപുരം: സംസ്ഥാനത്ത് പവർകട്ട് വേണമെന്ന് കെഎസ്ഇബി. നേരത്തെയും കെ എസ് ഇ ബി ഇക്കാര്യം സർക്കാരിനോട് ആവശ്യപ്പെട്ടിരുന്നു. എന്നാൽ വീണ്ടും വൈദ്യുതി ഉപഭോഗം വർധിച്ച സാഹചര്യത്തിലാണ് സർക്കാരിനോട് വീണ്ടും കെ എസ് ഇ ബി ആവശ്യപ്പെട്ടിരിക്കുന്നത്.
ഓവർലോഡ് കാരണം പലയിടത്തും അപ്രഖ്യാപിത ലോഡ് ഷെഡിങ് ഏര്പെടുത്തേണ്ടി വരികയാണ്. മാത്രമല്ല അമിത ലോഡ് കാരണം പലയിടത്തും ട്രാന്ഫോര്മറുകള്ക്ക് കേടുപാടുകള് സംഭവിക്കുന്നുമുണ്ട്. ഇതിനെല്ലാം പരിഹാരം എന്ന നിലയിലാണ് പവർകട്ട് വേണമെന്ന് കെ എസ് ഇ ബി ആവശ്യപ്പെട്ടിരിക്കുന്നത്.
ഇതുവരെ 700 ലധികം ട്രാൻസ്ഫോർമറുകൾക്ക് തകരാറ് സംഭവിച്ചത്. അതെ സമയം വൈദ്യുതി ഉപയോഗം നിയന്ത്രിച്ചില്ലെങ്കിൽ വലിയ പ്രശ്നത്തിലേക്ക് പോകുമെന്ന് വൈദ്യുതി മന്ത്രി കെ. കൃഷ്ണൻകുട്ടി വ്യക്തമാക്കി. സംസ്ഥാനത്തെ വൈദ്യുതി ഉപയോഗം സർവകാല റെക്കോർഡിലാണ്. കൂടുതൽ ഡാമുകൾ നിർമ്മിക്കാതെ സംസ്ഥാനത്തെ വൈദ്യുത ക്ഷമം പരിഹരിക്കാൻ ആവില്ലെന്നും മന്ത്രി കൂട്ടിച്ചേർത്തു.
