ഡൽഹി: വാരണാസി ലോക്‌സഭാ മണ്ഡലത്തില്‍ നാമനിർദ്ദേശ പത്രിക സമർപ്പിച്ച് പ്രധാനമന്ത്രി നരേന്ദ്ര മോദി. മൂന്നാം തവണയാണ് അദ്ദേഹം വാരണാസിയിൽ സ്ഥാനാർഥിയായി മത്സരിക്കുന്നത്. ഉത്തര്‍പ്രദേശ് മുഖ്യമന്ത്രി യോഗി ആദിത്യനാഥും അയോധ്യയിലെ പ്രാണപ്രതിഷ്ഠക്ക് നേതൃത്വം നൽകിയ പൂജാരിയും മോദിയോടൊപ്പം കലക്ടറേറ്റിൽ എത്തിയിരുന്നു.
കാലഭൈരവ ക്ഷേത്രത്തിൽ ദർശനത്തിനു ശേഷമാണ് മോദി പത്രിക സമർപ്പിക്കാനെത്തിയത്. വാരാണസിയിലെ സാധാരണക്കാരാണ് മോദിയുടെ പത്രികയില്‍ ഒപ്പുവച്ചത്. ബിജെപിയുടെ പ്രധാനമന്ത്രി സ്ഥാനാർത്ഥിയായി 2014ലാണ് മോദി ആദ്യമായി വാരണാസിയിൽ നിന്ന് മത്സരിച്ചത്.
