ചാലക്കുടി: ട്വന്റിഫോര് അതിരപ്പള്ളി പ്രാദേശിക ലേഖകന് റൂബിന് ലാലിന് പൊലീസ് അറസ്റ്റ് ചെയ്തു. വനംവകുപ്പിന്റെ വ്യാജ പരാതിയിലാണ് അറസ്റ്റ്. അർദ്ധരാത്രിയാണ് സംഭവം. അതിരപ്പള്ളിയിൽ ഇന്നലെ കാട്ടുപന്നി വാഹനം ഇടിച്ചു കിടക്കുന്ന ദൃശ്യങ്ങള് പകര്ത്താന് റൂബിന് ലാൽ എത്തിയിരുന്നു. ഈ സമയം റൂബിന് ലാലിനെ വനം ഉദ്യോഗസ്ഥര് കയ്യേറ്റം ചെയ്തിരുന്നു. സംഭവത്തിൽ വനം മന്ത്രി അന്വേഷണം പ്രഖ്യാപിക്കുകയും ചെയ്തിരുന്നു.
എന്നാൽ ഈ അന്വേഷണം അട്ടിമറിക്കാനാണ് വനംവകുപ്പ് ഉദ്യോഗസ്ഥര് പരാതി നല്കിയത്. കൃത്യനിര്വഹണം തടസ്സപ്പെടുത്തിയെന്നാരോപിച്ചാണ് റൂബിന് ലാലിനെതിരെ പരാതി നൽകിയത്. നേരത്തെയും വനം വകുപ്പും റുബിൻ ലാലും തമ്മിൽ പ്രശ്നങ്ങളുണ്ടായിരുന്നു. വനം വകുപ്പിന്റെ വീഴ്ചകള് പല തവണ റൂബിന് വാര്ത്തയാക്കിയിരുന്നു.
