തിരുവനന്തപുരം: തിരുവനന്തപുരം മണ്ഡലം ഫോട്ടോ ഫിനിഷിലേക്ക്. അവസാന റൗണ്ടിൽ ബി ജെ പി സ്ഥാനാർത്ഥി രാജീവ് ചന്ദ്രശേഖറെ പിന്നിലാക്കി യു ഡി എഫ് സ്ഥാനാർഥി ശശി തരൂർ മുന്നേറുന്നു. തീരദേശ വോട്ടിന്റെ കരുത്തിലാണ് തരൂർ രാജീവ് ചന്ദ്രശേഖറെ പിന്നിലാക്കിയത്.
തിരുവനന്തപുരം മണ്ഡലത്തിൽ ഇനി എണ്ണാനുള്ളത് പതിനായിരത്തിൽ താഴെ വോട്ടുകൾ മാത്രമാണ്. നിലവിൽ 15,700 വോട്ടിനു തരൂർ ലീഡ് ചെയ്യുകയാണ്. അതെ സമയം എൽ ഡി എഫ് സ്ഥാനാർഥി പന്ന്യൻ രവീന്ദ്രൻ ചിത്രത്തിൽപോലും ഇല്ല.
ഓരോ ഘട്ടത്തിലും വോട്ട് നില മാറി മറിയുകയാണ് തിരുവനന്തപുരത്തെ രണ്ടു മണ്ഡലങ്ങളിലും തിരുവനന്തപുരം മണ്ഡലത്തിൽ ശശി തരൂർ മുന്നേറുമ്പോൾ ആറ്റിങ്ങൽ മണ്ഡലത്തിൽ വി ജോയിയും അടൂർ പ്രകാശും ഇഞ്ചോടിഞ്ചു നിൽക്കുകയാണ്. നിലവിലെ കണക്കനുസരിച്ച് ആറ്റിങ്ങലില് എല്ഡിഎഫ് സ്ഥാനാർത്ഥി വി ജോയ് മുന്നിലാണ്. ലീഡ്- 1292.
