വയനാട്: ഭരണഘടന ഇല്ലാതായാൽ നമ്മുടെ പാരമ്പര്യം തന്നെ ഇല്ലാതാവുമെന്ന് നിയുക്ത എംപി രാഹുൽ ഗാന്ധി. ഭരണഘടന സംരക്ഷിക്കാനുള്ള പോരാട്ടമാണ് തിരഞ്ഞെടുപ്പിൽ നടത്തിയതെന്നും രാഹുൽ ഗാന്ധി പറഞ്ഞു. വയനാട് മണ്ഡലത്തിൽ വോട്ടർമാരോട് നന്ദി പറയാനെത്തിയ വേളയിലാണ് രാഹുലിന്റെ പരാമർശം. തനിക്ക് ഉപദേശം നൽകുന്നത് ഭരണഘടയാണ് അതെ സമയം പ്രധാനമന്ത്രിക്ക് ഉപദേശം നൽകുന്നത് ദൈവമാണെന്നും രാഹുൽ ഗാന്ധി പറഞ്ഞു.
രണ്ടു മണ്ഡലങ്ങളിൽ വൻ ഭൂരിപക്ഷത്തോടെ വിജയിച്ച രാഹുൽ ഗാന്ധി ധർമ്മസങ്കടത്തിലാണെന്നും അദ്ദേഹം വ്യക്തമാക്കി. ഏതു മണ്ഡലത്തിൽ തുടരണമെന്ന് തീരുമാനിക്കാൻ കഴിഞ്ഞിട്ടില്ലെന്നും ഏത് മണ്ഡലം നിലനിർത്തണമെന്ന തന്റെ തീരുമാനം റായ്ബറേലിക്കും വയനാടിനും സന്തോഷമുള്ളതായിരിക്കുമെന്നും അദ്ദേഹം കൂട്ടിച്ചേർത്തു.
