കുവൈത്ത് സിറ്റി: കുവൈത്തിലെ ദുരന്തത്തിൽ മരണസംഖ്യ ഉയരുന്നുവെന്നാണ് പുറത്തുവരുന്ന റിപ്പോർട്ട്. നിലവിൽ മരിച്ച മലയാളികളുടെ എണ്ണം 24 ആയി. ഇവരില് 19 പേരെ തിരിച്ചറിഞ്ഞിട്ടുണ്ട്. നോർക്കയാണ് കണക്കുകൾ പുറത്തുവിട്ടത്.
മരിച്ചവരിൽ 7 പേരെ ഇനിയും തിരിച്ചറിയാനുണ്ടെന്നാണ് നോർക്ക സിഇഒ അജിത്ത് പറയുന്നത്. മരിച്ചവരുടെ മൃതദേഹങ്ങൾ എത്രയും പെട്ടെന്ന് നാട്ടിലെത്തിക്കാനുള്ള ശ്രമങ്ങൾ നടക്കുകയാണ്. അതെ സമയം 7 പേർ അപകടത്തിൽ പരുക്കേറ്റ്ഗുരുതരാവസ്ഥയിൽ ചികിത്സയിൽ കഴിയുകയാണെന്നും കുറച്ചുപേര് ആശുപത്രികളില്നിന്ന് ഡിസ്ചാര്ജ് ആയിട്ടുണ്ടെന്നും അദ്ദേഹം അറിയിച്ചു.
എന്നാൽ ദുരന്തത്തിൽ ഔദ്യോഗികമായി 15 മലയാളികളുടെ മരണമാണ് സ്ഥിരീകരിച്ചച്ചതെന്ന് നോർക്ക സെക്രട്ടറി ഡോ കെ വാസുകി അറിയിച്ചു. അനൗദ്യോഗികമായി ലഭിച്ച വിവരം അനുസരിച്ചാണ് 24 പേരുടെ കണക്ക് പരാമർശിച്ചത്. കുവൈറ്റിലെ ദുരന്തത്തിൽ മരിച്ചവരുടെ മൃതദേഹങ്ങൾ ഒരുമിച്ച് എത്തിക്കും. കേന്ദ്രസർക്കാർ ഇതിനായി പ്രത്യേക വിമാനം ഒരുക്കിയിട്ടുണ്ടെന്നും വാസുകി അറിയിച്ചു .
