കൊച്ചി: മൊബൈൽ റീചാർജ് നിരക്കുകൾ വർധിപ്പിക്കാനൊരുങ്ങി റിലയൻസ് ജിയോ. ഉപഭോക്താക്കള്‍ക്കയി പരിധിയില്ലാത്ത സേവനങ്ങള്‍ നല്‍കുന്ന പുതിയ പ്ലാനുകള്‍ അവതരിപ്പിച്ചിരിക്കുകയാണ് കമ്പനി. 12 മുതൽ 27 ശതമാനം വരെ വർധനവിനാണ് കമ്പനിയുടെ നീക്കം.
ജൂലൈ മൂന്ന് മുതൽ നിരക്കുകൾ പ്രാബല്യത്തിൽ വരും. ഇനി മുതൽ 2 ജി.ബി ഡാറ്റ ലഭിക്കുന്ന പ്രതിദിന പ്ലാൻ ഉപയോഗിച്ച് റീചാർജ് ചെയ്യുന്നവർക്ക് മാത്രമേ അൺലിമിറ്റഡ് 5ജി ഡാറ്റ കിട്ടു എന്നതാണ് പുതിയ നീക്കം. ജിയോയുടെ 75 ജി.ബിയുടെ പോസ്റ്റ്പെയ്ഡ് പാക്ക് 449 രൂപയാക്കി വർധിപ്പിച്ചു. നേരത്തെ ഇത് 399 രൂപയായിരുന്നു.
അതുപോലെ 666 രൂപയുടെ അൺലിമിറ്റഡ് പ്ലാൻ 799 രൂപയാക്കി ഉയർത്തി. 1,559 രൂപയുടെ പ്ലാൻ 1,899 രൂപയും 2,999 രൂപയുടേത് 3,599 രൂപയാക്കിയും ഉയർത്തി. അതോടൊപ്പം ഡാറ്റ ആഡ് ഓൺ പാക്കിന്റെ നിരക്ക് 15 രൂപയിൽ നിന്നും 19 രൂപയാക്കിയാണ് വർധിപ്പിച്ചിരിക്കുന്നത്.
