തിരുവനന്തപുരം: കളിയിക്കാവിളയിൽ ക്വാറി ഉടമ ദീപുവിന്റെ കൊലപാതകത്തിൽ മുഖ്യപ്രതി പിടിയിൽ. കേസിലെ മുഖ്യ സൂത്രധാരനായ സുനിൽകുമാറിനെയാണ് പോലീസ് പിടികൂടിയത്. കൊലപാതകത്തിന് വേണ്ട ആയുധം അമ്പിളിക്ക് വാങ്ങി നല്കിയത് സുനിൽ കുമാറാണ്.
കഴിഞ്ഞ കുറച്ചു ദിവസമായി ഇയാൾക്കുള്ള തിരച്ചിലിൽ ആയിരുന്നു പൊലീസ്. ഇതിനിടെ ഇയാൾ മുംബൈയിലേക്ക് കടക്കാൻ ശ്രമിക്കുന്നതിനിടെയാണ് സുനിൽ കുമാറിനെ പൊലീസ് അറസ്റ്റ് ചെയ്തത്.
ഇയാളെ തമിഴ്നാട് പൊലീസിന്റെ പ്രത്യേക സംഘമാണ് പിടികൂടിയത്. കന്യാകുമാരി കുലശേഖരം റോഡരികിൽ കഴിഞ്ഞദിവസം ഇയാളുടെ കാർ ഉപേക്ഷിച്ചനിലയിൽ കണ്ടെത്തിയിരുന്നു.
പാറശാലയിലും നെയ്യാറ്റിന്കരയിലും സര്ജിക്കല് കട നടത്തുന്നയാളാണ് ഇയാള്. അമ്പിളിക്ക് വേണ്ട സഹായങ്ങൾ ഒക്കെ ചെയ്തു കൊടുത്തത് ഇയാളാണ്. മാത്രമല്ല അമ്പിളിയെ കളിയാക്കാവിളയില് കൃത്യം നടത്താന് കൊണ്ടുവിട്ടത് സുനില്കുമാറാണെനന്നും പൊലീസ് പറയുന്നു.
