ലഖ്നൗ: ഹാത്രാസ് ദുരന്തത്തിൽ പരിക്കേറ്റവരെയും മരിച്ചവരുടെ കുടുംബാംഗങ്ങളെയും സന്ദർശിച്ച് രാഹുൽ ഗാന്ധി എം പി. ദുരന്തത്തിൽ കൃത്യമായ അന്വേഷണം നടത്തണമെന്ന് രാഹുൽ ഗാന്ധി എം പി ആവശ്യപ്പെട്ടു. ഹാത്രസ് ദുരന്തത്തിന് ഉത്തരവാദി യുപി സർക്കാരാണെന്നും അപകടത്തിൽപ്പെട്ടവർക്കുള്ള ധനസഹായം വർധിപ്പിക്കണമെന്നും രാഹുൽ പറഞ്ഞു.
ഗുരുതര വീഴ്ചയാണ് യോഗി സർക്കാരിന്റെ ഭാഗത്ത് ഉണ്ടായത്. നിലവിൽ മരിച്ചവരുടെ കുടുംബങ്ങൾക്ക് രണ്ട് ലക്ഷം രൂപയും പരിക്കേറ്റവർക്ക് 50,000 രൂപയുമാണ് സർക്കാർ സഹായം പ്രഖ്യാപിച്ചത്. മരിച്ചവരെല്ലാം പാവപ്പെട്ടവരാണെന്നും അതിനാൽ ധനസഹായ തുക വർധിപ്പിക്കണമെന്നും രാഹുൽ ഗാന്ധി ആവശ്യപ്പെട്ടു.
