തിരുവനന്തപുരം: കേന്ദ്രമന്ത്രി സുരേഷ്ഗോപി ഉൽഘാടന പരിപാടികൾക്ക് പ്രതിഫലം ആവശ്യപ്പെട്ടുകൊണ്ടുള്ള പ്രസ്താവന നടത്തിയതിലൂടെ സത്യപ്രതിഞാ ലംഘനമാണ് നടത്തിയിരിക്കുന്നതെന്നും അതുകൊണ്ടുതന്നെ സുരേഷ്ഗോപി രാജി വച്ചു ജനങ്ങളോട് മാപ്പുപറയണമെന്നും ഐ എൻ എൽ സംസ്ഥാന സെക്രട്ടറി അഡ്വ. ജെ. തംറൂഖ് പ്രസ്താവനയിൽ ആവശ്യപ്പെട്ടു.
അതീവ കുറ്റകരവും ഗൗരവവുമായ പ്രസ്താവനയാണ് സുരേഷ്ഗോപി നടത്തിയിരിക്കുന്നതെന്നും ജനസേവനത്തിന് പ്രതിഫലമോ പ്രത്യുപകാരമോ ആവശ്യപ്പെടാൻ പാടില്ലെന്നിരിക്കെ ജനപ്രതിനിധി എന്നതിലുപരി ഒരു കലാകാരൻ കൂടിയായ സുരേഷ്ഗോപി നിരുത്തരവാദപരമായ ഈ പ്രസ്താവനയിലൂടെ തൃശൂരിൽ തന്നെ തിരഞ്ഞെടുത്ത ജനങ്ങളെ അവഹേളിക്കലാണെന്നും പ്രസ്ഥാവനയിൽ തുടർന്നു പറഞ്ഞു.
