തിരുവനന്തപുരം: ചരിത്ര നിമിഷത്തിൽ കേരളം. സംസ്ഥാനത്ത് ഏറെ അഭിമാനമായി വിഴിഞ്ഞം. വിഴിഞ്ഞത്ത് എത്തിയ ആദ്യ മദര്ഷിപ്പിന് വന് വരവേല്പ്പാണ് മുഖ്യമന്ത്രി പിണറായി വിജയൻറെ നേതൃത്വത്തിൽ നൽകിയത്. വിഴിഞ്ഞം തുറമുഖ വികസനത്തിന് പിന്തുണ നൽകിയ എല്ലാവർക്കും മുഖ്യമന്ത്രി നന്ദി അറിയിച്ചു.
വിഴിഞ്ഞത്തിലൂടെ ഇന്ത്യ ലോക ഭൂപടത്തിൽ സ്ഥാനം പിടിച്ചെന്നും വിഴിഞ്ഞം മദർ പോർട്ടാക്കി മറ്റുമെന്നും മുഖ്യമന്ത്രി പറഞ്ഞു. വിഴിഞ്ഞം തുറമുഖത്തിലൂടെ കേരളം ലോകഭൂപടത്തിൽ ഇടം നേടി. ദീർഘകാലത്തെ സ്വപ്നമാണ് യാഥാര്ഥ്യമായതെന്നും തുറമുഖങ്ങൾ സാമ്പത്തിക വളർച്ചയുടെ ചാലകശക്തിയാണെന്നും പിണറായി വിജയൻ കൂട്ടിച്ചേർത്തു.
പദ്ധതി പൂര്ത്തീകരിക്കാന് സഹകരിച്ച കരണ് അദാനിക്ക് മുഖ്യമന്ത്രി നന്ദി അറിയിച്ചു. ലോകത്തെ വൻകിട തുറമുഖങ്ങളിൽ ഒന്നാണ് വിഴിഞ്ഞത്ത് യാഥാർത്ഥ്യമായതെന്നും അന്താരാഷ്ട്ര ലോബികള്ക്കെതിരെ ഒന്നായി പോരാടിയതിന്റെ ഫലമാണെന്നും മുഖ്യമന്ത്രി പറഞ്ഞു.
