കോഴിക്കോട്: ഷിരൂരിലെ മണ്ണിടിച്ചിലില് കാണാതായ മലയാളി ലോറി ഡ്രൈവര് അർജുനെ കണ്ടെത്താനുള്ള ശ്രമത്തിൽ ഈശ്വർ മൽപേ. നിലവിൽ ഗംഗാവലി പുഴയിലെ ജനനിരപ്പ് കുറഞ്ഞിരിക്കുകയാണ്. അതിനാൽ നാളെ സ്വമേധയാ തെരച്ചിലിന് ഇറങ്ങുമെന്ന് ഈശ്വർ മാൽപെ അറിയിച്ചു.
പക്ഷെ ഷിരൂരിലെ രക്ഷാദൗത്യം പ്രതിസന്ധിയിലാണെന്ന് അർജുൻ്റെ സഹോദരീ ഭർത്താവ് ജിതിൻ പറയുന്നു. രക്ഷാപ്രവർത്തനവുമായി ബന്ധപ്പെട്ട് ജില്ലാ കളക്ടർ, സ്ഥലം എംഎംഎ എന്നിവരെ ബന്ധപ്പെടാൻ സാധിക്കുന്നില്ലെന്നും തെരച്ചിൽ എന്ന് പുനരാരംഭിക്കും എന്നതിൽ അറിയിപ്പ് ഒന്നും ലഭിച്ചില്ലെന്നും ജിതിൻ പറയുന്നു.
അതെ സമയം പ്രതിപക്ഷനേതാവ് വി ഡി സതീശൻ ഇന്ന് അർജുൻ്റെ വീട്ടിൽ സന്ദർശനം നടത്തി. കോഴിക്കോട് കണ്ണാടിക്കലിലെ അർജുന്റെ വീട്ടിലാണ് അദ്ദേഹം എത്തിയത്. തെരച്ചിൽ പുനരാരംഭിക്കാൻ കർണ്ണാടക സർക്കാരിൽ സമ്മർദ്ദം ചെലുത്തുമെന്ന് വി ഡി സതീശൻ അറിയിച്ചു.
