കല്പറ്റ: വയനാട്ടിലെ ഉരുൾപൊട്ടൽ ദുരന്തത്തിൽ സ്വാന്തന സ്പർശവുമായി നടനും ലെഫ്റ്റനന്റ് കേണലുമായ മോഹൻലാൽ. മേപ്പാടിയിലെ ദുരിതാശ്വാസ ക്യാമ്പില്‍ എത്തിയ താരം ദുരിതബാധിതർക്ക് ആശ്വാസമേകി. സൈനിക യൂണിഫോമിലാണ് മോഹന്‍ലാല്‍ എത്തിയത്.
മേപ്പാടി ടെറിട്ടോറിയൽ ആർമിയുടെ ബേസ് ക്യാംപിലാണ് ആദ്യം മോഹൻലാൽ എത്തിയത്. ഇവിടെ നിന്നാണ് ദുരിതബാധിത പ്രദേശങ്ങളിലേക്ക് എത്തിയത്. തുടർന്ന് മോഹന്‍ലാല്‍ ദുരന്ത ഭൂമിയായ മുണ്ടക്കൈയിലേക്ക് തിരിച്ചു.
മുണ്ടക്കൈ, പുഞ്ചിരിമട്ടം തുടങ്ങിയ പ്രദേശങ്ങളില്‍ അദ്ദേഹം സന്ദര്‍ശിക്കും. ആർമി ക്യാമ്പിലെത്തിയ മോഹൻലാൽ രക്ഷാപ്രവർത്തനത്തിൽ പങ്കെടുക്കുമെന്നാണ് ലഭിക്കുന്ന വിവരം.
