കഴക്കൂട്ടം : വയനാട്ടിലെ ദുരിതബാധിതർക്കായി ഒരു ദിവസം സർവീസ് നടത്തി ലഭിച്ച വരുമാനം നൽകി ഓട്ടോഡ്രൈവർമാർ.പെരുമാതുറയിലെ നാല് ഓട്ടോ ഡ്രൈവർന്മാരാണ് സർവീസിലൂടെ ലഭിച്ച തുക ദുരന്തബാധിതർക്കായി നൽകിയത്. മുസ്ലിം ലീഗ് സംസ്ഥാന കമ്മിറ്റി പ്രഖ്യാപിച്ച വയനാട് പുനരധിവാസ പദ്ധതിക്കായുള്ള ഓൺലൈൻ കളക്ഷനിലാണ് തുക കൈമാറിയത്.
ഓട്ടോ ഡ്രൈവർന്മാരായ അൻസർ പെരുമാതുറ, അനീഷ്, അമീൻ ,ഹസ്സൻ എന്നിവരാണ് ഒരു ദിവസത്തെ വരുമാനം നൽകിയത്.തുച്ഛമായ വരുമാനമാണ് ഓട്ടോ ഓടി ലഭിക്കുന്നത്. ജീവിത പ്രയാസങ്ങൾക്കിടയിലും വയനാട്ടിലെ മഹാദുരന്തത്തിൽ പ്രയാസപ്പെടുന്നവർക്ക് സഹായിക്കാൻ ഇവർ തിരുമാനിക്കുകയായിരുന്നു.
രാവിലെ മുതൽ വൈകുന്നേരം വരെ ഓട്ടോ സവാരി നടത്തി, യാത്രക്കാർ മികച്ച സഹകരണമാണ് നൽകിയത്. മുസ്ലിം ലീഗിൻ്റെ ഫോർ വയനാട് എന്ന ആപ്പിലൂടെ ലഭിച്ച വരുമാനം ഇവർ വയനാട് പ്രോജക്ടിനായി നൽകുകയായിരുന്നു..
