ബെംഗളൂരു: ഷിരൂരിൽ കാണാതായ ലോറി ഡ്രൈവര്‍ അര്‍ജുനെ കണ്ടെത്താനുള്ള തിരച്ചിൽ ഇന്ന് പുനരാരംഭിച്ചിരുന്നു. മത്സ്യത്തൊഴിലാളി ഈശ്വര്‍ മല്‍പെയുടെ നേതൃത്വത്തിൽ ഗംഗാവലി പുഴയില്‍ ഇറങ്ങി നടത്തിയ പരിശോധനയില്‍ ലോറിയുടേതെന്ന് സംശയിക്കുന്ന ലോഹ ഭാഗം കണ്ടെത്തി.
ലോറിയുടെ ഹൈഡ്രോളിക് ജാക്കിയാണ് കണ്ടെത്തിയത്. ഈശ്വര്‍ മല്‍പെയാണ് ലോറിയുടെ ജാക്കി മുങ്ങിയെടുത്തത്. ഇത് അര്ജുന്റെ ലോറിയിലേത് തന്നെയാണെന്ന് ലോറി ഉടമ മനാഫ് പറഞ്ഞു. അർജുൻ ഓടിച്ചിരുന്ന ലോറിയിൽ ഉണ്ടായിരുന്നത് പുതിയ ജാക്കിയാണ്. ഈശ്വര്‍ മല്‍പെ മുങ്ങിയെടുത്ത് പുതിയ ജാക്കിയാണെന്നും അതിനാല്‍ അര്ജുന്റെ ലോറിയിലുണ്ടായിരുന്ന ജാക്കി തന്നെയാണ് ഇതെന്നും മനാഫ് പറഞ്ഞു.
അതെ സമയം മണിക്കൂറുകൾ നീണ്ടു നിന്ന ഇന്നത്തെ തിരച്ചിൽ അവസാനിപ്പിച്ച്. നാളെ വീണ്ടും തിരച്ചിൽ ആരംഭിക്കുമെന്ന് മൽപേ അറിയിച്ചു. അര്‍ജുൻ ഓടിച്ചിരുന്ന ലോറി കിട്ടുമെന്നാണ് പ്രതീക്ഷ. കണ്ടെത്താനാകുമെന്ന് ആത്മവിശ്വാസമുണ്ടെന്നും നാളെ കൂടുതല്‍ ആളുകളെ എത്തിച്ച് വിപുലമായ തെരച്ചിലായിരിക്കും നടത്തുകയെന്നും ഈശ്വര്‍ മല്‍പെ പറഞ്ഞു.
