ലക്‌നൗ: സബര്‍മതി എക്‌സ്പ്രസ് പാസഞ്ചര്‍ ട്രെയിന്‍ പാളം തെറ്റി. ഉത്തർപ്രദേശിലാണ് സംഭവം. ട്രെയിന്റെ 20 കോച്ചുകളാണ് പാളം തെറ്റിയത്. വാരണാസിയിൽ നിന്നും സബർമതിയിലേക്ക് പോകുകയായിരുന്നു ട്രെയിൻ. ഇതിനിടെ ഉത്തർപ്രദേശിലെ കാൺപൂരിനും ഭീംസെൻ സ്റ്റേഷനും ഇടയിൽ വച്ചാണ് അപകടം സംഭവിച്ചത്.
ഇന്ന് പുലര്‍ച്ചെയായിരുന്നു സംഭവം. അപകടത്തിൽ ആളപായമില്ലെന്നാണ് റിപ്പോർട്ട്. റെയിൽവെ ട്രാക്കിലുണ്ടായിരുന്ന ഒരു വലിയ വസ്‌തുവിൽ ട്രെയിനിന്‍റെ എൻജിൻ ഇടിച്ചാണ് അപകടം സംഭവിച്ചതെന്നാണ് പുറത്തുവരുന്ന വിവരം. സംഭവത്തിൽ അന്വേഷണം നടക്കുകയാണെന്ന് റെയിൽവേ മന്ത്രി അശ്വിനി വൈഷ്ണവ് അറിയിച്ചു.
