തിരുവനന്തപുരം: കൊൽക്കത്തയിൽ ആർ ജി കർ ആശുപത്രിയിൽ പി ജി ഡോക്ടർക്കു സംഭവിച്ച ക്രൂരമായ ബലാത്സംഗത്തിലും കൊലപാതകത്തിലും പ്രതിഷേധിച്ച് പ്രതിധ്വനി വനിതാ ഫോറത്തിന്റെ ആഭിമുഖ്യത്തിൽ ഇന്ന് വൈകുന്നേരം 6 മണിക്ക് ടെക്നോപാർക്ക് ഫേസ്1 ക്യാമ്പസിന് മുന്നിൽ “സ്റ്റാൻഡ് അപ്പ് ഫോർ വുമൺ“ സംഘടിപ്പിച്ചു. വിധു വിൻസെന്റ് (പ്രശസ്ത സിനിമ സംവിധായിക) പ്രതിഷേധത്തിന് എത്തിയ ഐ ടി ജീവനക്കാരെ അഭിസംബോധന ചെയ്തു.
തിരുവനന്തപുരം മെഡിക്കൽ കോളേജിലെ സൈക്യാട്രി റെസിഡന്റ് ഡോക്ടറും KMPGA വൈസ് പ്രസിഡന്റുമായ ഡോ. നീതുവും പ്രതിഷേധത്തെ അഭിസംബോധന ചെയ്തു സംസാരിച്ചു. പങ്കെടുത്ത എല്ലാവരും മെഴുകുതിരി തെളിക്കുകയും നീതിക്കായുള്ള പോരാട്ടത്തിൽ , സുരക്ഷിത തൊഴിലിടത്തിനായും സുരക്ഷിത സമൂഹത്തിനായും “സ്ത്രീകളോടൊപ്പം നിലകൊള്ളും” എന്ന പ്രതിജ്ഞയെടുക്കുകയും ചെയ്തു.
ഐ ടി ജീവനക്കാരുടെ ക്ഷേമ സംഘടന, പ്രതിധ്വനിയുടെ വനിതാ ഫോറം പ്രതിനിധികളായ അഞ്ജു ഡേവിഡ്, ശ്രീനി ഡോണി, സന്ധ്യ എ, റോഷിൻ എയ്ഞ്ചൽ, പ്രശാന്തി പി എസ് എന്നിവർ സ്റ്റാൻഡ് അപ്പ് ഫോർ വുമൺ പ്രതിഷേധത്തിന് നേതൃത്വം നൽകി.
