ഡൽഹി: അന്തരിച്ച സിപിഎം ജനറല്സെക്രട്ടറി സീതാറാം യെച്ചൂരിയുടെ മൃതദേഹം ഇന്നും നാളെയും പൊതുദർശനത്തിന് വെക്കും. പൊതുദർശനത്തിനായി ഇന്ന് വസന്ത്കുഞ്ചിലെ വസതിയിൽ എത്തിക്കും. നാളെ ഡൽഹി എകെജി ഭവനിൽ പൊതുദർശനത്തിനു വയ്ക്കും.
വൈകീട്ട് ആറ് മണിയോടെയായിരിക്കും എയിംസിൽ നിന്ന് ഭൗതീക ശരീരം വസതിയിൽ എത്തിക്കുക. നിലവില് മൃതദേഹം എയിംസ് ആശുപത്രി മോര്ച്ചറിയില് സൂക്ഷിച്ചിരിക്കുകയാണ്. നാളെ രാവിലെ 11 മുതൽ വൈകീട്ട് 3 മണിവരെയാണ് പാർട്ടി ആസ്ഥാനത്ത് പൊതുദർശനം.
തുടര്ന്ന് വിലാപയാത്രയായി മൃതദേഹം എയിംസിലെത്തിക്കും. ഇതിന് ശേഷം മൃതദേഹം ഡൽഹി എയിംസ് ആശുപത്രിയുടെ അനാട്ടമി വിഭാഗത്തിന് കൈമാറും. യെച്ചൂരിയുടെ ആഗ്രഹപ്രകാരമാണ് മൃതദേഹം എയിംസിന് വിട്ടുകൊടുക്കുന്നത്.
