തിരുവനന്തപുരം: കണിയാപുരം ഉപജില്ലയിൽ റേഡിയോ ക്ലബുകൾ പ്രവർത്തിക്കുന്ന സ്കൂളുകളിൽ വച്ച് കഴക്കൂട്ടം സ്കൂളിൻ്റെ റേഡിയോ ക്ലബ്ബിന് HS വിഭാഗത്തിൽ ഒന്നാം സ്ഥാനം.
ചന്തവിള സ്കൂളിൽ വച്ച് നടന്ന ഹെഡ്മാസ്റ്റർമാരുടെ കോൺഫറൻസിൽ വച്ച് കണിയാപുരം എ ഇ ഒ ഹരികൃഷ്ണൻ ഹെഡ്മിസ്ട്രസ് ഷീജാധരന് അവാർഡ് കൈമാറി. പി ടി എ പ്രസിഡൻ്റ് ശ്വാംജിത് സന്നിഹിതനായിരുന്നു. യു പി വിഭാഗത്തിൽ കാര്യവട്ടം യു പി എസിനാണ്.
ദിനാചരണങ്ങൾ പഠന പ്രവർത്തനങ്ങളുമായി ബന്ധപ്പെടുത്തി പ്രാധാന്യം കുട്ടികളിലേക്ക് എത്തിക്കുന്നതും വിവിധ വ്യക്തിത്വങ്ങളെ കുട്ടി റേഡിയോ വഴി കൂട്ടുകാർക്ക് പരിചയപ്പെടുത്തിയതും ഒന്നാം സ്ഥാനം നേടാൻ കാരണമായി എന്ന് എ ഇ ഒ പറഞ്ഞു.
