തിരുവനന്തപുരം: ആറ്റിങ്ങലിൽ കാണാതായ യുവാവിന്റെ മൃതദേഹം കണ്ടെത്തി. ഊരുപൊയ്ക, ചെറുവള്ളിവിളാകം, രാഹുൽ വിലാസത്തിൽ കണ്ണൻ എന്ന് വിളിക്കുന്ന രാഹുലിന്റെ മൃതദേഹമാണ് കണ്ടെത്തിയത്. 30 വയസായിരുന്നു. കൊല്ലായികടവിൽ നിന്നാണ് മൃതദേഹം കണ്ടെത്തിയത്.
കഴിഞ്ഞ ദിവസമാണ് രാഹുലിനെ കാണാതായത്. സമീപ പ്രദേശങ്ങളിലെല്ലാം അന്വേഷിച്ചെങ്കിലും കണ്ടെത്താൻ ആയില്ല. ഫോണും പേഴ്‌സും മറ്റു സാധനങ്ങളുമൊക്കെ വീട്ടിൽ തന്നെ ഉണ്ടായിരുന്നു. ഒരുപാട് അന്വേഷിച്ചിട്ടും കണ്ടെത്താത്തതിനെ തുടർന്ന് ബന്ധുക്കൾ പോലീസിൽ പരാതി നൽകിയിരുന്നു.
പോലീസ് നടത്തിയ അന്വേഷണത്തിൽ കൊല്ലായിക്കടവിന് സമീപം രാഹുലിന്റേതെന്ന് സംശയിക്കുന്ന ചെരുപ്പ് കണ്ടെത്തിയിരുന്നു. തുടർന്ന് ആറ്റിങ്ങൽ ഫയർ ഫോഴ്സിലെ സ്കൂബ ഡൈവിങ് ടീം രാവിലെ മുതൽ തിരച്ചിൽ ആരംഭിക്കുകയും വൈകുന്നേരത്തോടെ മൃതദേഹം ലഭിക്കുകയും ചെയ്തു.
