കോഴിക്കോട്: സിപിഎം പ്രവർത്തകൻ പുഷ്പൻ അന്തരിച്ചു. കൂത്തുപറമ്പ് വെടിവെയ്പിലെ ജീവിച്ചിരുന്ന രക്തസാക്ഷി ആയിരുന്നു. കോഴിക്കോട്ടെ സ്വകാര്യ ആശുപത്രിയില്‍ ചികിത്സയിലിരിക്കെയാണ് അന്ത്യം.
1994 നവംബര്‍ 25 നാണ് കൂത്തുപറമ്പ് വെടിവെയ്പ്പ് സംഭവം നടക്കുന്നത്. വെടിവെപ്പിൽ പരിക്കേറ്റ ശേഷം പൂർണ്ണമായും കിടപ്പിലായിരുന്നു. കൂത്തുപറമ്പിൽ അന്നത്തെ മന്ത്രിയായിരുന്ന എം വി രാഘവനെതിരെ നടന്ന പ്രതിഷേധത്തിനിടെ നടന്ന പോലീസ് വെടിവെപ്പിലാണ് പുഷ്പന് പരിക്കേറ്റത്.
