കോഴിക്കോട്: ഷിരൂരിലെ മണ്ണിടിച്ചിലിൽ മരണപ്പെട്ട കോഴിക്കോട് സ്വദേശി അർജുന് വിട നൽകി ജന്മനാട്. കോഴിക്കോട് കണ്ണാടിക്കലിലെ അമരാവതി വീടിനോട് ചേര്ന്ന് അര്ജുൻ മടങ്ങി.
വൻ ജനാവലിയുടെ സാന്നിധ്യത്തിലായിരുന്നു മടക്കം. ഇന്ന് രാവിലെ 11.20ഓടെയാണ് സംസ്കാര ചടങ്ങുകള് ആരംഭിച്ചത്. ആയിരങ്ങളാണ് അന്തിമോപചാരമര്പ്പിക്കാനായി എത്തിയത്. 11.45ഓടെ അന്ത്യകര്മ്മങ്ങള് പൂര്ത്തിയാക്കി. അർജുന്റെ സഹോദരന് അഭിജിത്താണ് ചിതയ്ക്ക് തീ കൊളുത്തിയത്.
