തിരുവനന്തപുരം: തിരുവനന്തപുരം എസ്എടി ആശുപത്രിയിൽ വൈദ്യുതി മുടങ്ങിയ സംഭവത്തിൽ വിമർശനവുമായി കടകംപള്ളി സുരേന്ദ്രൻ എം എൽ എ. മൂന്ന് മണിക്കൂറാണ് ആശുപ്രതിയിൽ വൈദ്യുതി മുടങ്ങിയത്. പൊതുമരാമത്ത് വകുപ്പിനെതിരെയാണ് പരോക്ഷ വിമര്‍ശനവുമായി അദ്ദേഹം രംഗത്തെത്തിയത്.
വൈദ്യുതി വകുപ്പ് സംഘടിപ്പിച്ച പൊതുപരിപാടിയിലായിരുന്നു കടകംപള്ളി സുരേന്ദ്രന്റെ പ്രതികരണം. കൈകാര്യം ചെയ്യുന്ന ഇടം ഏതാണെന്നു ഗൗരവത്തിൽ മനസ്സിലാക്കിയിന്നാണ് കടകംപള്ളി ആരോപിക്കുന്നത്. ബന്ധപ്പെട്ട വകുപ്പിനോ വൈദ്യുതി ബോർഡിനോ ആരോഗ്യ വകുപ്പിനോ അതിന് കഴിഞ്ഞില്ലെന്നും അദ്ദേഹം വ്യക്തമാക്കി. വീഴ്ചയിൽ ന്യായീകരണമില്ലെന്നും ശ്രദ്ധയില്ലായ്മയാണ് വീഴ്ചയ്ക്ക് കാരണമെന്നും അദ്ദേഹം പറഞ്ഞു. ഭാവിയില്‍ ഇത്തരം കാര്യങ്ങള്‍ ആവര്‍ത്തിക്കാതെ നോക്കണമെന്നും കടകംപള്ളി പറഞ്ഞു.
