വയനാട്: ഈ വര്ഷത്തെ തിരുവോണം ബംപർ നറുക്കെടുപ്പ് കഴിഞ്ഞിരിക്കുകയാണ്. ഒന്നാം സമ്മാനത്തിന് അര്ഹമായ TG 434222 എന്ന ടിക്കറ്റ് വിറ്റത് വയനാട് ജില്ലയില്. ഏറെ സന്തോഷത്തിലാണ് ഏജന്റ്. ടിക്കറ്റ് വിറ്റത് വയനാട്ടിലെ പനമരത്തെ എഎം ജിനീഷിന്റെ ഉടമസ്ഥതയിലുള്ള എസ്ജെ ഏജന്സിയാണ്. ഒരുമാസം മുൻപാണ് ടിക്കറ്റ് വിറ്റത്.
ബത്തേരിയിലെ നാഗരാജു എന്ന സബ് ഏജന്റാണ് ഒന്നാം സമ്മാനത്തിനർഹമായ ടിക്കറ്റ് വിറ്റത്. താൻ വിറ്റ ടിക്കറ്റിന് സമ്മാനം ലഭിച്ചതിൽ അതിയായ സന്തോഷമുണ്ടെന്നും ടിക്കറ്റ് ആരാണ് വാങ്ങിയതെന്ന് ഓർമയില്ലെന്നും ഏജന്റ് പറഞ്ഞു.
അയല് സംസ്ഥാനക്കാരില് ആരെങ്കിലുമാണോ ടിക്കറ്റ് വാങ്ങിയതെന്നും സംശയിക്കുന്നു. ദുരിതമനുഭവിക്കുന്ന വയനാട്ടില് ഒന്നാം സമ്മാനം അടിച്ചതില് സന്തോഷമുണ്ടെന്ന് ഏജന്റ് ജിനീഷ് പറഞ്ഞു.
