തിരുവനന്തപുരം: തിരുവനന്തപുരത്തുനിന്നും ബംഗളൂരുവിലേക്ക് പോയ ബസിന് തീപിടിച്ചു. യാത്രാമധ്യേയാണ് അപകടം സംഭവിച്ചത്. ഇന്ന് രാവിലെ ഏഴോടെയായിരുന്നു അപകടം. തമിഴ്നാട്ടിലെ ഈറോഡിൽ വെച്ചാണ് ബസിന് തീപിടിച്ചത്.
ജയ് സായ് റോഡ് ലിങ്ക്സിന്റെ ബസ്സാണ് അപകടത്തിൽപ്പെട്ടത്. യാത്രക്കാരാണ് ആദ്യം ബസിൽ നിന്ന് പുക ഉയരുന്നതായി കണ്ടത്. ഉടൻ തന്നെ യാത്രക്കാർ ബഹളം വയ്ക്കുകയും ബസ് നിർത്തുകയും ചെയ്തു. തുടർന്ന് യാത്രക്കാർ ചേർന്ന് ബസ്സിലുണ്ടായിരുന്ന അഗ്നിശമന സംവിധാനം ഉപയോഗിച്ച് തീയണച്ചു. യാത്രക്കാരുടെ സമയോചിതമായ ഇടപെടൽ കാരണം വൻ അപകടമാണ് ഒഴിവായത്.
