തിരുവനന്തപുരം: തിരുവനന്തപുരം പാറശാലയിൽ ദമ്പതികളെ മരിച്ച നിലയിൽ കണ്ടെത്തി. പാറശാല കിണറ്റുമുക്കിലാണ് സംഭവം നടന്നത്. ഇവരുടെ വീട്ടിനുള്ളില് നിന്നാണ് മൃതദേഹം കണ്ടെത്തിയത്. ചെറുവാരക്കോണം സ്വദേശികളായ സെല്വരാജ് (45), ഭാര്യ പ്രിയ (40) എന്നിവരാണ് മരിച്ചത്.
ഭർത്താവിനെ തൂങ്ങിയ നിലയിലും ഭാര്യയുടെ മൃതദേഹം കട്ടിലിലുമാണ് കണ്ടെത്തിയത്. ആത്മഹത്യ ആണെന്നാണ് പ്രാഥമിക നിഗമനം. വീട് പൂട്ടിയിട്ട നിലയിലായിരുന്നു. ഇന്നലെ രാത്രിയാണ് മരണ വിവരം പുറത്തറിഞ്ഞത്.
ഇവർ എപ്പോഴാണ് ആത്മഹത്യ ചെയ്തതെന്ന് വ്യക്തമല്ല. മകന് എറണാകുളത്ത് പഠനത്തിനുശേഷം ജോലി ചെയ്യുകയാണ്. മകൻ ഇന്നലെ രാത്രി വീട്ടിലെത്തിയപ്പോഴാണ് മരണ വിവരം അറിയുന്നത്. പൊലീസ് സ്ഥലത്തെത്തി അന്വേഷണം ആരംഭിച്ചു.
