തിരുവനന്തപുരം: വർക്കലയിൽ ബീച്ചിൽ കുളിക്കാനിറങ്ങിയ രണ്ട് വിദ്യാർത്ഥികൾ തിരയിൽപ്പെട്ടു. ബെംഗളൂരുവിലെ ഐ ടി വിദ്യാർത്ഥികൾ ആണ് തിരയിൽ പെട്ടത്. ഒരാളെ രക്ഷപ്പെടുത്തി. വർക്കല ആലിയിറക്കം ബീച്ചിലാണ് വിദ്യാർഥിക്കൾ കുളിക്കാൻ ഇറങ്ങിയത്.
ഐ ടി വിദ്യാർഥികളായ പെൺകുട്ടികൾ ഉൾപ്പെടെ നാലംഗ സംഘമാണ് ബീച്ചിൽ എത്തിയത്. ഇതിൽ രണ്ടു പേർ തിരയിൽ പെടുകയായിരിക്കുന്നു. തിരയിൽപെട്ട് കാണാതായ 28 വയസുകാരന് വേണ്ടിയുള്ള തിരച്ചിൽ തുടരുകയാണ്. ഒരാളെ നാട്ടുകാരും ലൈഫ് ഗാർഡുകളും ചേർന്നാണ് രക്ഷപ്പെടുത്തിയത്. വിദ്യാർത്ഥിയായ മുഹമ്മദ് നോമാനെ (24) അടുത്തുള്ള സ്വകാര്യ ആശുപത്രിൽ പ്രവേശിപ്പിച്ചിരിക്കുകയാണ്.
