കൊല്ലം: സംസ്ഥാനത്ത് വീണ്ടും സദാചാര ഗുണ്ടായിസം. യുവാവിനെ നഗ്നനാക്കി റോഡിലെ പോസ്റ്റിൽ കെട്ടിയിട്ട് മർദ്ദിച്ചു. അഞ്ചംഗ സംഘമാണ് യുവാവിനോട് ക്രൂരത കാണിച്ചത്. കൊല്ലം തെന്മല ഇടമണിലാണ് സംഭവം നടന്നത്.
ഇടമൺ സ്വദേശി നിഷാദിന് നേരെയാണ് ക്രൂരമായ ആക്രമണം ഉണ്ടായത്. രാത്രി പെൺസുഹൃത്തിന്‍റെ
വീട്ടിൽ എത്തിയാതായിരുന്നു യുവാവ്. സംഭവത്തിൽ ഇടമണ്‍ സ്വദേശികളായ രാജീവ്, സുജിത്ത്, സിബിന്‍, അരുണ്‍ എന്നിവരെ പോലീസ് അറസ്റ്റ് ചെയ്തു. വ്യാഴാഴ്ച രാത്രിയായിരുന്നു സംഭവം നടന്നത്.
നിഷാദിനെ നഗ്നനാക്കി വൈദ്യുതി പോസ്റ്റിൽ കെട്ടിയിട്ട് ക്രൂരമായി മർദ്ദിക്കുകയായിരുന്നു. ഗുരുതരമായി പരിക്കേറ്റ യുവാവ് പുനലൂർ താലൂക്ക് ആശുപത്രിയിൽ ചികിത്സയിലാണ്. നിഷാദിനോടുള്ള മുൻവൈരാഗ്യമാണ് ആക്രമണത്തിലേക്ക് നയിച്ചതെന്നാണ് പൊലീസ് പറയുന്നത്. കേസുമായി ബന്ധപ്പെട്ട് ഒരാളെ കൂടി പിടികൂടാനുണ്ടെന്നും പൊലീസ് വ്യക്തമാക്കി.
