spot_imgspot_img

കൂച്ച് ബെഹാർ ട്രോഫിയിൽ കേരളത്തിന് തോൽവി

Date:

ജയ്പൂര്‍: 19 വയസ്സിൽ താഴെയുള്ളവർക്കായുള്ള കൂച്ച് ബെഹാർ ട്രോഫിയിൽ രാജസ്ഥാനെതിരെ കേരളത്തിന് തോൽവി. ഒരിന്നിങ്സിനും 280 റൺസിനുമായിരുന്നു രാജസ്ഥാൻ്റെ വിജയം. 367 റൺസിൻ്റെ ലീഡ് വഴങ്ങിയ കേരളം രണ്ടാം ഇന്നിങ്സിൽ 87 റൺസിന് പുറത്താവുകയായിരുന്നു.

ഏഴ് വിക്കറ്റിന് 457 റൺസെന്ന നിലയിലാണ് രാജസ്ഥാൻ മൂന്നാം ദിവസം കളി തുടങ്ങിയത്. ഒൻപത് വിക്കറ്റിന് 515 റൺസെന്ന നിലയിൽ രാജസ്ഥാൻ ആദ്യ ഇന്നിങ്സ് ഡിക്ലയർ ചെയ്തു. ആഭസ് ശ്രീമാലി 67ഉം ഗുലാബ് സിങ് 30 റൺസുമായി പുറത്താകാതെ നിന്നു. നേരത്തെ 198 റൺസെടുത്ത് പുറത്തായ അനസിൻ്റെ പ്രകടനമായിരുന്നു രാജസ്ഥാന് കൂറ്റൻ സ്കോർ സമ്മാനിച്ചത്. 77 റൺസെടുത്ത ആകാഷ് മുണ്ടൽ, 64 റൺസെടുത്ത ജതിൻ എന്നിവരും രാജസ്ഥാൻ ബാറ്റിങ് നിരയിൽ തിളങ്ങി. കേരളത്തിന് വേണ്ടി അബിൻ ലാൽ നാലും അഭിരാം രണ്ടും തോമസ് മാത്യുവും കാർത്തിക്കും ഓരോ വിക്കറ്റ് വീതവും വീഴ്ത്തി.

രണ്ടാം ഇന്നിങ്സ് ബാറ്റിങ്ങിന് ഇറങ്ങിയ കേരള ബാറ്റിങ് നിരയിൽ ആർക്കും തന്നെ ഭേദപ്പെട്ട പ്രകടനം കാഴ്ചവയ്ക്കാനായില്ല. അക്ഷയും കാർത്തിക്കും ക്യാപ്റ്റൻ അഹമ്മദ് ഇമ്രാനും മാത്രമാണ് കേരള ബാറ്റിങ് നിരയിൽ രണ്ടക്കം കടന്നത്. രാജസ്ഥാന് വേണ്ടി ജതിൻ ഏഴ് വിക്കറ്റ് വീഴ്ത്തി.

Share This Post

LEAVE A REPLY

Please enter your comment!
Please enter your name here

Subscribe

Popular

More like this
Related

ചന്തവിള – റിട്ട: അദ്ധ്യാപിക വിമലകുമാരി അന്തരിച്ചു

കഴക്കൂട്ടം: ചന്തവിള അഭിരാമത്തിൽ അനിൽകുമാറിന്റെ ഭാര്യ വിമലകുമാരി എസ് (56 -റിട്ടയേഡ്...

നിപയല്ല, യുവതിയുടെ പരിശോധന ഫലം നെഗറ്റിവ്

കോഴിക്കോട്: നിപാ രോഗ ലക്ഷണങ്ങളോടെ കോഴിക്കോട് മെഡിക്കൽ കോളേജിൽ ചികിത്സയിലായിരുന്ന മലപ്പുറം...

ഗോകുലം റെയ്ഡ് അവസാനിച്ചു; കോടികൾ പിടിച്ചെടുത്തതായി സൂചന

ചെന്നൈ: വ്യവസിയും സിനിമ നിർമ്മാതാവുമായ ഗോകുലം ഗോപാലന്റെ ഓഫീസുകളിലെ ഇ ഡി...

പൃഥ്വിരാജിന് ആദായ നികുതി വകുപ്പ് നോട്ടീസ്

തിരുവനന്തപുരം: നടനും സംവിധായകനുമായ പൃഥ്വിരാജിന് ആദായ നികുതി വകുപ്പിന്റെ നോട്ടീസ്. മുൻ...
Telegram
WhatsApp