തിരുവനന്തപുരം: തിരുവനന്തപുരത്ത് ഓടിക്കൊണ്ടിരുന്ന ടൂറിസ്റ്റ് ബസിന് തീപിടിച്ചു. നെയ്യാറ്റിന്കര മണ്ണക്കല്ല് ബൈപാസില് വച്ചാണ് അപകടം നടന്നത്. കന്യാകുമാരിയില് നിന്ന് കൊല്ലത്തേക്ക് പോവുകയായിരുന്ന ടൂറിസ്റ്റ് ബസിനാണ് തീപിടിച്ചത്.
ഇന്ന് ഉച്ചയ്ക്ക് മൂന്ന് മണിക്കായിരുന്നു സംഭവം. റേഡിയേറ്ററില് നിന്ന് തീ ഉയരുന്നത് ശ്രദ്ധയിൽപ്പെട്ട ഡ്രൈവർ വാഹനം നിർത്തുകയായിരുന്നു. ഉടൻ തന്നെ ആളുകളെ ഒക്കെ പുറത്തിറക്കി. അപകടത്തിൽ മുൻഭാഗം പൂർണമായും കത്തിനശിച്ചു. ഫയർഫോഴ്സെത്തിയാണ് തീയണച്ചത്. അപകടത്തില് ആര്ക്കും പരിക്കില്ല.
