കഴക്കൂട്ടം : തുമ്പ സെന്റ് സേവ്യേഴ്സ് കോളേജിനെ മാലിന്യ മുക്ത ഹരിത കലാലയമായി പ്രഖ്യാപിച്ചു. ഹരിത കലാലയ പ്രഖ്യാപനസമ്മേളനം കഠിനംകുളം ഗ്രാമപഞ്ചായത്ത് പ്രഡിഡന്റ് അജിത അനി ഉദ്ഘാടനം ചെയ്തു. മാലിന്യമുക്ത നവകേരളത്തിന്റെ ഭാഗമായി സെന്റ് സേവ്യേഴ്സ് കോളേജും മാറുകയാണെന്ന് അവർ അഭിപ്രായപ്പെട്ടു.
ചടങ്ങിൽ കോളേജ് മാനേജർ ഫാ സണ്ണി ജോസ് എസ്.ജെ അധ്യക്ഷനായി. മണൽ സൗന്ദര്യം മാത്രമുണ്ടായിരുന്ന കലാലയത്തെ ഹരിതസൗന്ദര്യമുള്ള ക്യാമ്പസാക്കി മാറ്റാൻ ഒരുപാടുപേർ അക്ഷീണം പ്രയത്നിച്ചിട്ടുണ്ടെന്ന് അദ്ദേഹം പറഞ്ഞു. കഠിനംകുളം ഗ്രാമപഞ്ചായത്ത് വൈസ് പ്രസിഡന്റ് ഷീല ഗ്രിഗോറി, കോളേജ് പ്രിൻസിപ്പാൾ ഡോ.നിഷ റാണി, പഞ്ചായത്ത് സെക്രട്ടറി പ്രവീൺ, ആരോഗ്യ വിദ്യഭ്യാസ സ്റ്റാന്റിങ് കമ്മിറ്റി ചെയർപേഴ്സൻ ആശാമോൾ വി.എസ്., പി.ടി.എ.പ്രസിഡന്റ് സുനിൽ ജോൺ, കോളേജ് യൂണിയൻ വൈസ് ചെയർപേഴ്സൺ സോന എസ് ഷാജി, ഹെൽത്ത് ഇൻസ്പെക്ടർ ഷബീർ എന്നിവർ പങ്കെടുത്തു.
നവകേരളം കർമ്മപദ്ധതി ഹരിതകേരളം മിഷൻ റിസോഴ്സ് പേഴ്സൺ അഞ്ജു എ
ഹരിത കലാലയ പ്രതിജ്ഞ ചൊല്ലി. നേച്ചർ ക്ലബ്ബിന്റെ കോർഡിനേറ്റർ ഡോ. ഹരീഷ് എസ്.ആർ. സ്വാഗതവും വിദ്യാർത്ഥി പ്രതിനിധി ദേവിക നന്ദിയും പറഞ്ഞു. തുമ്പ സെന്റ് സേവ്യേഴ്സ് കോളേജ് നേച്ചർ ക്ലബ്ബിന്റെ നേതൃത്വത്തിലാണ് പരിപാടി സംഘടിപ്പിച്ചത്.
