കൊച്ചി: കയര് ബോര്ഡിന്റെ ഓഫീസില് ഗുരുതര തൊഴില് പീഡനം നേരിട്ട ജീവനക്കാരി മരിച്ചു. കേന്ദ്ര സര്ക്കാര് സ്ഥാപനമായ കയർ ബോര്ഡിന്റെ കൊച്ചി ആസ്ഥാനത്ത് തൊഴില് പീഡനമെന്ന് പരാതി നൽകിയ ജീവനക്കാരിയാണ് ചികിത്സയിലിരിക്കെ മരിച്ചത്.
സെക്ഷന് ഓഫീസറായ ജോളി മധുവാണ് മരിച്ചത്. കൊച്ചി സ്വകാര്യ ആശുപത്രിയിലാണ് അന്ത്യം. കാന്സര് അതിജീവിതയും വിധവയുമായ ജോളി സ്ഥാപനത്തില് നിരന്തരം മാനസിക പീഡനത്തിന് ഇരയായെന്ന് കുടുംബം ആരോപിച്ചിരുന്നു.
സെറിബ്രല് ഹെമിറേജ് ബാധിച്ച് അമൃത ആശുപത്രിയില് ചികിത്സകയിലായിരുന്നു. ഒരാഴ്ചയായി വെന്റിലേറ്റര് സഹായത്തോടെ ജീവന് നിലനിര്ത്തുകയായിരുന്നു.
