ഹൈദരാബാദ്: ഹൈദരാബാദില് കെട്ടിടത്തിന് തീപിടിച്ച് 17 മരണം. ഹൈദരാബാദിലെ ചാർമിനാറിനടുത്തുള്ള ഗുൽസാർ ഹൗസിലെ കെട്ടിടത്തിലാണ് തീപിടുത്തമുണ്ടായത്. 5 പേർക്ക് അപകടത്തിൽ ഗുരുതരമായി പരുക്കേറ്റിട്ടുണ്ട്. വീടുകളും കച്ചവട സ്ഥാപനങ്ങളും തിങ്ങി നിറഞ്ഞ തെരുവിലാണ് അപകടം സംഭവിച്ചിരിക്കുന്നത്.
ഇന്ന് പുലർച്ചെ ആറു മണിയോടെയാണ് അപകടം നടന്നത്. തുടർന്ന് ആറരയോടെ ഫയർഫോഴ്സ് സംഘം സ്ഥലത്തെത്തി തീ അണച്ചു. അപകടത്തിന് കാരണം വ്യക്തമല്ല. മുത്ത് വ്യാപാരക്കടയിലാണ് ആദ്യം തീപിടുത്തമുണ്ടായത്. പിന്നീട് താഴത്തെ നിലയിൽ നിന്ന് മുകളിലെ കെട്ടിടങ്ങളിലേക്ക് തീപടരുകയായിരുന്നു.
സംഭവത്തെ തുടര്ന്ന് പൊള്ളലേറ്റവരേയും പുക ശ്വസിച്ച് അബോധാവസ്ഥയിലായവരേയും ആശുപത്രിയല് പ്രവേശിപ്പിച്ചിരിക്കുകയാണ്. നിരവധി പേർ പൊള്ളലേറ്റ് ആശുപത്രിയിൽ ചികിത്സയിലാണ്.
