മലപ്പുറം: പിവി അൻവറിനെതിരെ വിമര്ശനവുമായി മുഖ്യമന്ത്രി. അൻവർ വഞ്ചന കാണിച്ചതു മൂലമാണ് ഇപ്പോൾ നിലമ്പൂരിൽ ഉപതെരഞ്ഞെടുപ്പ് നടത്തേണ്ടി വന്നതെന്ന് മുഖ്യമന്ത്രി പറഞ്ഞു. പിവി അന്വറിനെ പേരെടുത്ത് പരാമര്ശിക്കാതെയാണ് മുഖ്യമന്ത്രി കുറ്റപ്പെടുത്തിയത്.
നിലമ്പൂരില് സംഘടിപ്പിച്ച എല്ഡിഎഫ് തിരഞ്ഞെടുപ്പ് കണ്വെന്ഷന് ഉദ്ഘാടനം ചെയ്യവേയാണ് മുഖ്യമന്ത്രി ഇക്കാര്യം പരാമർശിച്ചത്. എം സ്വരാജിന്റെ സ്ഥാനാര്ത്ഥി പ്രഖ്യാപനം മണ്ഡലത്തിൽ മാത്രമല്ല, സംസ്ഥാനത്ത് തന്നെ നല്ല സ്വീകാര്യത ലഭിച്ചുവെന്നും മുഖ്യമന്ത്രി പറഞ്ഞു.
വർഗീയ ശക്തികളെ തലപൊക്കാൻ എൽ ഡി എഫ് സർക്കാർ അനുവദിക്കുന്നില്ലെന്നും ഭരണ തുടർച്ച ഉണ്ടാകണമെന്നും മുഖ്യമന്ത്രി വ്യക്തമാക്കി. സ്വരാജ്നെ കൂടുതൽ വോട്ട് നൽകി വിജയിപ്പിക്കണമെന്നും എം സ്വരാജ് സ്ഥാനാർത്ഥിയായപ്പോൾ കേരളമാകെ വലിയ ആവേശത്തിലായെന്നും മുഖ്യമന്ത്രി പറഞ്ഞു.
