തിരുവനന്തപുരം: സംസ്ഥാനത്ത് കൊവിഡ് കേസുകൾ ക്രമാതീതമായി വർധിക്കുന്നു. നിലവില്‍ സംസ്ഥാനത്ത് 2223 പേര്‍ക്കാണ് കോവിഡ് ബാധിച്ചിട്ടുള്ളത്. രാജ്യത്തെ ആക്ടീവ് കേസുകളിൽ 32 ശതമാനവും കേരളത്തിലാണ്. കഴിഞ്ഞ 24 മണിക്കൂറിനിടെ മൂന്ന് രോഗികളാണ് കൊവിഡ് ബാധിച്ച് മരിച്ചത്.
87 വയസുള്ള സ്ത്രീ, 78ഉം 69ഉം വയസുള്ള പുരുഷൻമാർ ആണ് മരിച്ചത്. എറണാകുളത്താണ് കൂടുതല്‍ കേസുകള്‍ സ്ഥിരീകരിച്ചത്. എറണാകുളത്ത് 431 കേസുകള്‍ സ്ഥിരീകരിച്ചു.കോട്ടയത്ത് 426, തിരുനവനന്തപുരത്ത് 365 രോഗികളാണ് ഉള്ളത്. സംസ്ഥാനത്ത് കോവിഡ് കേസുകള്‍ വര്‍ദ്ധിക്കുന്ന സാഹചര്യത്തില്‍ ആശങ്കപ്പെടേണ്ടെന്നും ജാഗ്രത പാലിക്കണമെന്നും അറിയിച്ച് ആരോഗ്യ വകുപ്പ്.
അതേസമയം കഴിഞ്ഞ 24 മണിക്കൂറിനിടെ രാജ്യത്ത് 306 പുതിയ കൊവിഡ് കേസുകളാണ് റിപ്പോർട്ട് ചെയ്‌തത്‌. ആക്ടീവ് കേസുകൾ 7121 ആയി, 24 മണിക്കൂറിനിടെ 6 കൊവിഡ് മരണം റിപ്പോര്‍ട്ട് ചെയ്തു.
