തിരുവനന്തപുരം: സംസ്ഥാനത്ത് സ്വര്‍ണവില വീണ്ടും കുതിക്കുന്നു. 74,560 രൂപയാണ് ഒരു പവന് സ്വര്‍ണത്തിന്റെ വില. ഇന്ന് പവന് 200 രൂപയാണ് വർദ്ധിച്ചത്.ഒരു ഗ്രാമിന് 25 രൂപയും ഉയര്‍ന്നിട്ടുണ്ട്. ഒരു ഗ്രാമിന് 9320 രൂപയാണ് ഇന്നത്തെ വിപണി നിരക്ക്.
സ്വര്‍ണത്തിന് ഈ മാസം രേഖപ്പെടുത്തുന്ന ഏറ്റവും ഉയര്‍ന്ന നിരക്കാണിത്. ഇന്നലെയും സ്വര്‍ണവില റെക്കോര്‍ഡ് ബ്രേക്ക് ചെയ്തിരുന്നു. വെള്ളിയാഴ്ച പവന് 1560 രൂപ വര്‍ധിച്ചതോടെ റെക്കോഡ് നിരക്കായ 74,360 രൂപയിലെത്തിയിരുന്നു. ഇതിനു പിന്നാലെയാണ് ഇന്നും വില വർധിച്ചത്.
ഭൗമരാഷ്ട്രീയ സംഭവങ്ങൾ സ്വർണവിലയെ സ്വാധീനിച്ചിട്ടുണ്ട്. പശ്ചിമേഷ്യയിലെ സംഘര്‍ഷത്തിന്റെ പശ്ചാത്തലത്തിലാണ് സ്വര്‍ണവില കുതിച്ചുയര്‍ന്നതെന്നാണ് വിലയിരുത്തല്‍. അതെ സമയം വെള്ളി വിലയിൽ മാറ്റമില്ല. ഒരു ഗ്രാം വെള്ളിയുടെ വില 115 രൂപയാണ്.
